Igrexa de estilo barroco e tipoloxía rural, que presenta unha planta de forma rectangular, dunha soa nave con presbiterio. A ábsida é de planta cadrada, cunha cuberta de bóveda de canón, sustentada por arcos perpiaños. Ten unha sancristía pegada ao muro norte do presbiterio, con acceso por medio dunha porta interior. Os muros son de pedra revogada no interior e exterior, agás na bóveda, arcadas e vans, onde se deixa a pedra á vista. A cuberta no exterior é a dúas augas. Na fachada principal sobresae a espadaña de formigón, cunha fornela na súa base, formada por dous vans con arcos de medio punto, rematada de forma triangular por pináculos.