Área de recreo situada nun ámbito forestal, nas inmediacións do río Sor, nun espazo natural de singulares características ecolóxicas, densa vexetación de piñeiros, eucaliptos, carballos e "ameneiros" que acollen ao visitante. Posibilidade de pesca (troita e reo); atópase nun tramo do couto de pesca do río Sor. Con presenza de antigos muíños de auga de planta rectangular, paredes de cachotería e estrutura de madeira que sustenta a cuberta de pizarra. Elementos tradicionais, recuperados e destinados a refuxio de pescadores. Bo equipamento, en perfecta harmonía co medio natural. Visita obrigada como punto de contacto coa natureza.