IGREXA DE SANTIAGO DE BIDOUREDO

Relixioso
918
No Camiño de Santiago

Localización

Parroquia: Bidouredo (Santiago)

Lugar: Bidouredo

27569  Monterroso - Lugo

Coordenadas:
42º 48' 07.0" N - 7º 51' 20.0" W

Descrición

Igrexa datada na segunda metade do século XII, que se sitúa sobre un castro. A planta é rectangular, con ábsida cadrada. Os muros que a conforman son de cachotería e cantería de granito, e a cuberta de tella a dúas augas. O arco triunfal é de medio punto, de aresta viva, que descansa mediante imposta lisa sobre as pilastras e o muro; sobre este hai dúas seteiras con acusado derramamento interior. Na nave hai un banco de pedra corrido. No intradorso consérvase unha inscrición, “Plagio”, que aludiría ao mestre de obra. A portada principal ten unha porta con arco de medio punto con arquivolta interior de baquetón e exterior adoelada, dúas ordes de columnas, capiteis con decoración vexetal e tímpano alintelado sobre mochetas. A fachada está rematada cunha espadana dun só van. 

Acceso

En Monterroso coller cara a Palas de Rei. A 1,3 km seguir pola pista á esquerda.

Camiños de Santiago

Camiño Francés
Arriba
Axúdanos a mellorar!