43 xornalistas internacionais realizan un presstrip no tren turístico Al Andalus que chegou por primeira vez a Santiago
A directora de Turismo de Galicia, Nava Castro recibiu na estación compostelá aos xornalistas que integran esta viaxe de prensa e que proceden de España, Brasil, Estados Unidos, Alemaña, Italia, Singapur, Arxentina, Venezuela, Suecia, Noruega, Dinamarca, Finlandia, Inglaterra e México.
O tren saíu de Zaragoza e percorreu A Rioxa e Castela-León ata Galicia, onde para en Ourense, Vedra, Santiago de Compostela, Vilagarcía de Arousa, Cambados, Vigo e Pontevedra ata A Coruña.
A directora de Turismo de Galicia, Nava Castro, recibiu na estación de ferrocarril de Santiago de Compostela aos viaxeiros do tren Al Andalus que por primeira vez na súa historia chega a Santiago. Os integrantes desta viaxe son 43 xornalistas procedentes de España, Brasil, Estados Unidos, Alemaña, Italia, Singapur, Arxentina, Venezuela, Suecia, Noruega, Dinamarca, Finlandia, Inglaterra e México. Os xornalistas especializados difundirán internacionalmente este tren Al Andalus que realiza o Itinerario Camiño de Santiago. A chegada do tren turístico a Galicia é posible grazas ao acordo entre Renfe e a Xunta de Galicia, a través de Turismo de Galicia.
Os viaxeiros que percorreron o traxecto que une Zaragoza e Santiago de Compostela realizaron o Camiño de Santiago viaxando a bordo deste tren turístico de luxo. Iniciaron a viaxe na capital aragonesa e percorreron A Rioxa e Castela-León ata chegar a territorio galego. En Galicia fan paradas en Ourense, Vedra, Santiago de Compostela, Vilagarcía de Arousa, Cambados, Vigo e Pontevedra ata A Coruña.
Esta nova proposta combina a gran oferta gastronómica de primeiro nivel coa oportunidade de descubrir paisaxes e de realizar numerosas actividades relacionadas co turismo cultural.
O tren consta de sete coches-suite, cinco deles construídos en Francia a finais dos anos vinte. Os coches-salóns datan de entre 1928 e 1930. Trátase do máis amplo tren turístico do mundo. Ten capacidade para 64 persoas distribuídas en 32 suites de diferentes tipoloxías.
Percorrido do Al Andalus en Galicia
Antes da chegada a Santiago, os viaxeiros puideron visitar nos xardíns do Pazo de Santa Cruz de Ribadulla e mais os do Pazo de Oca. Xa en Santiago os viaxeiros puiderán visitar as prazas do casco histórico e a Catedral, ademais de gozar dunha cea no Hostal dos Reis Católicos.
A viaxe continuou cara á Vilagarcía e os viaxeiros tiveronn a oportunidade de coñecer Cambados, o casco histórico de Pontevedra, e tamén Vigo ata concluír a viaxe na Coruña, último día do traxecto no que percorreron a cidade herculina.
