WHATSAPP BUSINESS PARA O NEGOCIO TURÍSTICO (1 HORA)
31 December 2024
WHATSAPP BUSINESS PARA O NEGOCIO TURÍSTICO (1 HORA)
Para facer a túa inscrición neste curso PIQUE AQUI
Programa
Entre os obxectivos do Plan de Formación de Turismo de Galicia 2023, está o facilitarlle ás empresas do sector turístico ferramentas que lle permitan mellorar a súa xestión e a venda dos seus productos e servizos. Entre os temas a abordar neste plan de formación identifícanse como demandas prioritarias, a transformación dixital e a innovación como resposta ao novo paradigma do mercado turístico.
WhatsApp é o servizo con máis visitas diarias, cunha media de uso de 1.4 horas ao día, superando a outras redes sociais e sistemas de mensaxería como Facebook, Youtube, Instagram e TikTok.
Nesta sesión, aprenderás a configurar o perfil de empresa, a definir as mensaxes de benvida e as respostas predefinidas, a integrar a conta con Facebook e Instagram, e a descubrir outras curiosidades que che axudarán a mellorar o servizo aos teus clientes e aumentar os túas reservas.
Se aínda non definiches a túa estratexia en WhatsApp, dedica 60 minutos a esta sesión de formación e comeza a desenvolver o teu negocio a través desta canle.
DATAS: Curso de formación permanente dispoñible dende o 1 de setembro de 2023
Nº PRAZAS: Ilimitadas
RELATOR: Tirso Maldonado
Consultor IT e emprendedor. Socio Director en Socialtec, empresa especializada no desenvolvemento de solucións IT e negocio en liña. Con máis de 25 anos de experiencia, está especializado no negocio en liña e as tecnoloxías da información entre outros. Bachelor en Administración de Empresas pola Universidade Internacional de Cataluña, Bachelor en Ciencias Finanzas & Márketing (Bentley College -Boston), Master en Administración de Sistemas de Información (Bentley College – Boston), SAP: Do ERP ao eBusiness (Universidad Ramon Llull). Profesor da EOI (Escuela de Organización Industrial) en Negocio dixital, na JSF Travel & Tourism School e na Escola Internacional de Administración Hotelera Vatel. Facilitador UNWTO Academy (OMT). Participou en proxectos como a definición do Sistema de Xestión de Destinos para a Agencia Valenciana de Turismo e no deseño da arquitectura da solución Travel Open Apps
DESTINATARIOS
Este curso é recomendable para calquera propietario, directivo, consultor, técnico da administración ou calquera outro profesional do sector turístico interesado en mellorar os seus coñecementos de seguridade na contorna dixital.
INSCRICIÓNS
Para facer a túa inscrición neste curso PIQUE AQUI
Máis información: formacion.turismo@xunta.gal