Obra realizada por Lucas Caaveiro en 1755 por encargo do Cabido. Neste edificio estivo instalado moitos anos o Hotel España, máis tarde o Restaurante Chitón. Recentemente foi rehabilitado para vivendas, cunha galería comercial nos seus baixos. Realizado en cantería de granito, consta de planta baixa con soportais, primeiro piso con balcóns riscados e balcón voado central. Segundo piso con tres balcóns e escudos. Remata o edificio unha importante cornixa voada, en cuxos extremos existen unhas gárgolas poligonais.