Turismo de Galicia

Información xeral

As presentes disposicións regulan o uso do servizo do portal web Turismo de Galicia (en diante, o “Portal') que a Xunta de Galicia pon a disposición das persoas usuarias da internet.

A Xunta de Galicia é a titular do dominio deste e dos distintos elementos nel incluídos.

O contido facilitado a través deste Portal emítese con efectos simplemente informativos e non substitúe a publicidade das disposicións e actos que teñan que ser publicados formalmente en boletíns oficiais. Aínda que se efectuarán os esforzos precisos para que a información contida sexa exacta e actualizada, a Xunta de Galicia non garante a inexistencia de erros no contido deste Portal, nin que se atope totalmente actualizado.

A Xunta de Galicia non se fai responsable dos danos e prexuízos que puidese ocasionar o uso ilexítimo ou inadecuado das ferramentas e informacións contidas no Portal con excepción de todas aquelas actuacións que resulten da aplicación das disposicións legais ás que deba someterse no estrito exercicio das súas competencias.

A Xunta de Galicia non asume responsabilidade algunha derivada da conexión ou contidos das ligazóns a páxinas externas sobre as que non se ten ningún control, debendo o usuario deste Portal, en todo caso, aterse ás condicións de uso específicas das devanditas ligazóns.

A Xunta de Galicia resérvase a facultade de efectuar, en calquera momento e sen necesidade de aviso previo, modificacións e actualizacións sobre a información contida ou na súa configuración ou presentación.

Propiedade intelectual e industrial

Os dereitos de propiedade intelectual deste sitio web e dos seus elementos contidos son titularidade da Administración xeral e do sector público autonómico de Galicia.

A información dispoñible neste Portal, está sometida a dereitos de copia. A información susceptible de reutilización está presente a través do portal abertos.xunta.gal, aínda que esta pode ser tamén atopada no portal da Axencia de Turismo de Galicia e sometida aos mesmos dereitos que a situada no portal abertos.xunta.gal. A información que a Axencia de Turismo de Galicia proporciona a través do portal abertos.xunta.gal permite a súa reprodución total ou parcial, modificación, distribución e comunicación, para usos comerciais e non comerciais, con suxeición ás seguintes condicións:

• Queda prohibida en calquera circunstancia ou desnaturalización do contido da información.
• O usuario queda obrigado a citar a fonte dos documentos obxecto da reutilización.

Esta licenza non reduce ou restrinxe os dereitos exclusivos do titular dos dereitos de propiedade intelectual, tales como o deseño do Portal e códigos fonte, marcas, nomes comerciais, logos ou signos distintivos, de acordo coa Lei de propiedade intelectual ou calquera outras leis aplicables.

Política de Cookies

O portal web Turismo de Galicia emprega cookies propias necesarias para o seu correcto funcionamento e cookies de terceiros con fins analíticos, así como ligazóns a portais de terceiros para poder compartir contido nas redes sociais. 

Unha cookie é un pequeno arquivo de texto que un sitio web pode descargar nun equipo coa finalidade de obter e recuperar información cando vostede navega. As súas finalidades son variadas, por exemplo, recoñecerlle como usuario/a, obter información sobre os seus hábitos de navegación ou personalizar a forma na que se lle mostra o contido. 

Os diferentes tipos de cookies empregadas neste portal poden clasificarse nas tres categorías sinaladas a continuación. Devandito isto, é preciso ter en conta que una mesma cookie pode estar incluída en máis dunha categoría.

Tipos de cookies segundo o prazo de tempo que permanecen activadas:

• cookies de sesión: créanse de forma temporal e son eliminadas unha vez que se abandona o sitio web.
• cookies persistentes: permanecen no navegador durante un período de tempo establecido e actívanse cada vez que se visita o sitio web que creou esa cookie.

Tipos de cookies segundo a entidade que as xestione:

• cookies propias: aquelas enviadas ao seu equipo e xestionadas exclusivamente pola Xunta de Galicia, que só obtén e conserva a información relativa aos datos de sesión e idioma. Estas son necesarias para o correcto funcionamento e visualización do portal por parte das persoas usuarias.
• cookies de terceiros: para o caso deste Portal, aquelas que se envían desde un dominio xestionado por outra entidade distinta da Xunta de Galicia.

Tipos de cookies segundo a súa finalidade:

• cookies técnicas: aquelas que permiten a navegación do usuario/a polo Portal e o uso dos servizos dispoñibles nel.
• cookie analíticas: aquelas que permiten a medición e a análise do comportamento das persoas usuarias no portal co fin de introducir melloras nel.
• cookies de preferencias: aquelas que permiten lembrar información e personalizar a experiencia das persoas usuarias como, por exemplo, o idioma escollido.

Descrición das cookies

Este portal emprega as seguintes cookies: 

 Servizos de terceiros

Adicionalmente, Turismo de Galicia ten presenza en portais e servizos de terceiros para os que, se se desexa coñecer as condicións de privacidade e uso de cookies, deberán consultarlle as políticas proporcionadas polos mesmos: 

• Twitter: https://twitter.com/es/privacy 
• Youtube: https://policies.google.com/technologies/cookies?hl=es&gl=es
• Facebook: https://es-es.facebook.com/privacy/policy/?entry_point=facebook_page_footer
• Instagram: https://about.instagram.com/es-la/safety 

 Condicións de uso 

A información turística elaborada a partir da actividade desenvolvida pola Axencia de Turismo de Galicia, é obxecto de propiedade intelectual e goza da protección recoñecida polo Texto Refundido da Lei de Propiedade Intelectual aprobado polo Real Decreto Lexislativo 1/1996 de 12 de abril.

A obtención e elaboración da devandita información por parte da Axencia de Turismo de Galicia lévanse a cabo coa maior fiabilidade que posibilita o nivel tecnolóxico actual, provendo devandito servizo segundo os medios dispoñibles en cada momento.

A información divulgada a través desta aplicación ofrécese gratuitamente á cidadanía para que poida ser utilizada libremente por ela, co único compromiso de mencionar expresamente á Axencia de Turismo de Galicia como fonte da mesma cada vez que as utilice para os usos distintos do particular e privado.

A Axencia de Turismo de Galicia declina toda responsabilidade sobre os danos e prexuízos que puidesen ser ocasionados pola interpretación e o uso da información posta a disposición da cidadanía a través da aplicación.

A Axencia de Turismo de Galicia non garante a presentación da totalidade da información turística de forma continua na web e resérvase o dereito a modificar, engadir ou eliminar a información contida nela.

Dentro do portal web de Turismo Galicia as persoas usuarias poden iniciar sesión ou rexistrar no apartado “A miña viaxe” que é un servizo para a xestión da estancia en Galicia. Dentro deste servizo existen tres opcións para a xestión da viaxe: preparando, durante e despois. 

Aquela información que se recolla dentro do apartado “A miña viaxe” será visible unicamente para a propia persoa usuaria. 

Política de privacidade e protección de datos persoais

En cumprimento da normativa vixente en materia de protección de datos persoais, o Regulamento (UE) 2016/679 do Parlamento Europeo e do Consello, do 27 de abril de 2016, relativo á protección das persoas físicas no que respecta ao tratamento de datos persoais e á libre circulación destes datos (RXPD) así como a Lei Orgánica 3/2018, do 5 de decembro, de Protección de Datos Persoais e garantía dos dereitos dixitais (LOPDGDD), informámoslle a continuación dos seguintes aspectos: 

Quen é o responsable do tratamento

O responsable do tratamento é a Axencia de Turismo de Galicia (en diante, a Axencia) con domicilio en Crta. Santiago – Noia Km.3, 15897, Santiago de Compostela (A Coruña), web:  https://www.turismo.gal/

Quen é o/a delegado/a de protección de datos

Pode contactar cos Delegados e Delegadas de protección de datos na seguinte ligazón: Delegados/as de protección de datos - Xunta de Galicia 

Finalidades, bases de lexitimación e datos recompilados

Este portal web so recolle datos persoais facilitados pola propia persoa usuaria de xeito optativo, por si quere inscribirse para utilizar los servizos que presta “A miña viaxe” e o boletín de novas turísticas. 
A Axencia levará a cabo o tratamento dos datos na súa condición de responsable para as finalidades e de acordo con as bases de lexitimación mostradas a continuación:

• A persoa interesada prestou o seu consentimento para o tratamento dos seus datos persoais para fins específicos.

Os datos persoais solicitados e tratados correspóndense coas categorías seguintes:

• Datos identificativos e de contacto: correo electrónico, fotografía. 
• Datos de características persoais (nacionalidade, e data de nacemento).

Os datos das persoas que se rexistren no portal poderán ser utilizados cos seguintes fins: 

• Para a elaboración de estatísticas. 

Prazo de conservación dos datos

• Os datos conservaranse ata que se cumpra cos finalidades obxecto do seu respectivo tratamento ou mentres non se exerciten os dereitos garantidos.

Cesión ou comunicacións dos datos 

• Os datos non serán obxecto de cesión ou comunicación a terceiros durante o seu tratamento ou unha vez cumpridos as súas finalidades, durante o seu prazo de conservación, salvo para o cumprimento de obrigacións legais específicas aplicables.

Dereitos garantidos en materia de protección de datos persoais

Se desexa consultar máis información sobre o exercicio de dereitos pode facelo en: Dereitos das persoas interesadas respecto dos seus datos persoais - Xunta de Galicia 

Modificación da Política de privacidade

A Axencia resérvase o dereito de modificar en calquera momento a súa política de privacidade respectando a lexislación vixente en materia de protección de datos. Recomendámoslle que revise a política de privacidade con certa periodicidade. 

Máis información

Pode ampliar esta información pulsando aquí

Uso de linguas

O artigo 13 da Lei 39/2015, do 1 de outubro, do Procedemento Administrativo Común das Administracións Públicas, garante o exercicio dos dereitos lingüísticos recoñecidos no ordenamento xurídico e, en particular, os referidos ao uso do galego nas relacións da cidadanía coa Administración pública de Galicia. A estes efectos, o Portal posibilitará o acceso aos seus contidos e servizos, como mínimo, en galego e castelán.

Lei aplicable e xurisdición

Para toda cuestión litixiosa ou que incumba ao Portal, será de aplicación a lexislación española, sendo competentes para a resolución de todos os conflitos derivados ou relacionados co uso do presente Portal, os Xulgados e Tribunais da cidade de Santiago de Compostela.