Edificio proxectado por Manuel Gómez Román en 1928 para Joaquín de Miguel. O máis destacado é a súa porta de acceso enmarcada por dúas pilastras lisas con arestas nas esquinas e un frontón na parte superior, onde se coloca o número da casa. O arquitecto é famoso por resolver perfectamente e dun modo moi artístico a harmonía entre o edificio e as portas de entrada, que sempre se acostumaban deixar para que fosen o carpinteiro e o ferreiro os que se ocupasen delas.