O Museo do Ferrocarril de Vilagarcía foi a sede da antiga estación de Carril que acolleu a primeira liña férrea galega que unía Cornes (Santiago de Compostela) con Carril (Vilagarcía de Arousa).

Neste edificio histórico o visitante poderá descubrir o fantástico relato de como Compostela conseguiu ter porto de mar e como o tren cambiou Vilagarcía para sempre. A vía férrea marcada no chan, mostra o percorrido a seguir e somerxe ao visitante na historia a través de paneis, vídeos, proxeccións, documentos, obxectos e maquetas.

Así mesmo conta con audioguías, códigos QR e información en tres idiomas (castelán, galego e inglés).