A Limia é unha comarca singular. Configurada xeograficamente en relación á gran chaira fluvial do río Limia, a presenza de grandes cultivos extensivos define a súa paisaxe.

Dende a Torre da Pena obsérvanse ben estas características singulares. Elevada nun outeiro, procuraba unha posición defensiva que domina un gran campo visual da chaira limiá.

A fortaleza, que conserva a torre da homenaxe, foi construída no século XII xunto con outras similares como Sandiás, Porqueira e Celme, configurando un sistema defensivo que protexía á Limia dos ataques de Portugal.