Na estrada A Coruña-Lugo, na Castellana, tomar a estrada antiga e antes da ponte vella coller o desvío ao encoro. Seguindo a canle da central, paralela ao río, xa se ve o canón do Mandeo e varias fervenzas. Percorridos uns 3 km, á beira dun paso sobre a canle, vese en frente a estreita gorxa onde desemboca o Rego de Portorosa ou Piogueira. Para ver de preto a fervenza hai baixar pola senda estreita e camiñar arredor de media hora.

O río Mandeo á altura da Castellana encáixase nun canón en rochas graníticas orixinando varias fervenzas; a de máis altura é a do pozo da Xesta, de entre 6 e 8 m. 

O acceso ofrece certa dificultade xa que non hai sinalización. Resulta apta para facer con nenos agás a baixada ao río.