Edificio de orixe románica, con profundas reformas no século XVIII. Dispón dunha nave de planta cadrada, ao igual que o presbiterio e a sancristía, apegada ao muro esquerdo. Os muros que a conforman son de cachotería e cantería de granito e a cuberta a dúas augas. A ábsida é cadrada, de pequenas dimensións, cunha ventá no testeiro, con dúas columniñas de capiteis historiados, con arquivolta de aresta viva e unha seteira na parede lateral. A nave dispón de dúas portadas con lintel, a principal e unha lateral, cunha espadana de dous vans construída a principios do século XIX.