Propiedade privada non visitable. Situado dentro dun fermoso parque con boas vistas de A Coruña. No terreo hai xardíns de deseño francés e un xardín botánico con palmeiras, olmos, pradairos, ... Tamén teñen unha horta. Planta en escuadra. Debido á pendente do terreo, é de planta baixa nun lado e baixo máis planta no outro. Ao Pazo éntrase polo alzado Leste, que presenta dous corpos diferenciados e muros cubertos buganvíleas. Galería e patín nos alzados Sur e Oeste. Ademais a antiga torre, que fai esquina con tres plantas e ocos con arco de medio punto. Fábrica de cachotaría e ocos de cantería recebados. Carpintaría de madeira. Cuberta de tella. No xardín hai tres fontes e unha paxareira.