No encontro púxose en común o avance dos principais proxectos da marca para este ano, entre os que destaca este “Corredor Ecoturístico de España Verde", que será a primeira gran ruta de Ecoturismo de España. Un proxecto financiado con fondos Next Generation a través do Plan de Experiencias Turísticas de España, que converterá á España Verde nun referente en ecoturismo e turismo de natureza. Ademais, avaliouse a presentación de novos proxectos a incluír neste Plan.

 

 Así mesmo, abordouse a posta en marcha do folleto dixital “A Gran Ruta da España Verde”, para percorrer as 4 Comunidades en 16 etapas por estradas secundarias, gozando do medio natural, do seu patrimonio cultural e enogastronómico.

 

 

España Verde celebrou a súa primeira reunión en San Sebastián, xa que este ano Euskadi asume a coordinación das accións do plan de promoción da marca que engloba as 4 Comunidades Cantábricas.

 

 

O acto contou coa intervención do conselleiro de Turismo, Comercio e Consumo, Javier Hurtado, e coa participación dos representantes de Turespaña e das catro comunidades autónomas: Jesús Maria Garraría de Cos, conselleiro de Turismo e Comercio de Euskadi; Marta Barca, directora xeral de Turismo da Xunta de Cantabria; Luís Fernando de la Pinta: conselleiro delegado de CANTUR; Graciela Blanco Rodríguez, viceconselleira de Turismo do Goberno do Principado de Asturias; e Blanca Pérez-Sauquillo, subdirectora xeral de Marketing de Turespaña.