Para chegar ao miradoiro dende o que admirar esta fervenza deberemos dirixirnos ao núcleo de Hedrada, no concello de Vilariño de Conso. Unha vez alí deixaremos o coche na entrada da aldea para seguir a pé. Debemos cruzar entre as casas e, ao chegar ao final, veremos un sendeiro que pasa diante dunha fonte e segue, en continuo ascenso, ata o noso destino. 

Na metade do camiño hai un panel informativo e dous sinais, un deles indica cara a fervenza e o outro cara a Pîco Ortiga.

Seguimos pola dereita para chegar ao miradoiro que, acondicionado cunha plataforma de madeira,  permítenos ver a fervenza en todo o seu esplendor.

O percorrido total a pé é duns 3,2 Km (ida e volta). A subida é algo pronunciada e, en época de chuvias, debemos ter coidado de non esvarar polo camiño de lousas.

IMPORTANTE: en época de abundantes chuvias a escorrentía pode dificultar ou incluso impedir o acceso ao miradoiro.