Nava Castro resalta o potencial desestacionalizador dos produtos turísticos galegos na reunión do grupo AVASA de axencias de viaxes
A directora de Turismo de Galicia interveu na asemblea do grupo que se celebrou hoxe en Santiago e incidiu no potencial do destino á hora de desenvolver produtos turísticos desestacionalizadores relacionados con algúns dos atractivos máis potentes da comunidade como a natureza, a gastronomía ou os Camiños de Santiago.
O grupo empresarial AVASA, fundado en 1980, celebrou hoxe en Santiago a reunión do seu grupo de axencias de viaxes. O encontro contou coa presenza da directora de Turismo de Galicia, Nava Castro, quen realizou unha presentación dos principais reclamos do destino e resaltou as potencialidades de Galicia á hora de ofrecer produtos desestacionalizadores, que permiten o disfrute da experiencia turística en calquera época do ano e que teñen gran capacidade de diferenciación.
De igual modo, Nava Castro explicou que Galicia está incrementando os seus niveis de competitividade turística a través de ferramentas como a formación dos sector, a calidade dos destinos e servizos turísticos, a xestión eficaz dos recursos e a diferenciación no mercado global.
No que se refire á Administración Turística, a directora falou da constitución da Axencia de Turismo de Galicia a través da que se aglutinaron os diferentes entes e organismos en aras dunha xestión máis coordinada e eficiente, aproveitando recursos e sinerxias.
De igual xeito, incidiu na necesidade de internacionalización do destino a través da creación do Clúster de Turismo de Galicia e no traballo que se desenvolve no marco do Plan Integral de Turismo, en consenso co sector e no que se recollen as necesidades e propostas para poñer en valor o destino.
Nava Castro falou da aposta pola calidade do sector turístico galego, do Camiño de Santiago como primeiro produto turístico e elemento diferencial e mais das boas cifras turísticas acadadas por Galicia no que vai de ano. Destacou o crecemento do turismo internacional que se reflicte nunha suba do 12% dos viaxeiros aloxados pertenentes a este segmento.
A directora de Turismo falou tamén dos actos conmemorativos do VIII Centenario da Peregrinación de San Francisco de Asís a Santiago e da organización de múltiples eventos culturales, congresuais e expositivos que situarán a Galicia como epicentro da oferta turística cultural. Ao tempo que abordou a capacidade de desestacionalización do destino Galicia recalcando que a natureza e a gastronomía son as principais motivacións polas que os turistas visitan a comunidade. Resaltou tamén o liderado da comunidade no sector termal así como o feito de que contamos cunha ampla oferta cultural e patrimonial que pode ser disfrutada ao longo de todo o ano, unida a atractivos complementarios como o enoturismo, o sendeirismo ou a práctica de turismo activo.
