Galicia continúa liderando o crecemento do número de viaxeiros a nivel estatal no mes de xullo cun incremento do 10,6% en relación a xullo do 2012
cifra de viaxeiros aloxados en establecementos hoteleiros galegos subiu no mes de xullo un 10,6% respecto do mesmo mes de 2012.
No mes de xullo rexistráronse 422.810 viaxeiros que efectuaron 894.505 pernoitas, un 4,2% máis que as rexistradas no mesmo período do ano pasado.
En termos de viaxeiros Galicia continua liderando o crecemento a nivel estatal neste período e amosa o mellor comportamento da España Verde.
Entre xaneiro e xullo deste ano, a cifra de viaxeiros aloxados en establecementos hoteleiros en Galicia subiu con respecto do mesmo período de 2012 un 3,4%.
A cifra de viaxeiros aloxados nos establecementos hoteleiros galegos subiu un 10,6% neste mes de xullo a respecto do mesmo mes de 2012. En total, rexistráronse 422.810 viaxeiros.
A cifra de pernoctas neste mesmo período – con 894.505- subiu tamén nun 4,2% a respecto das rexistradas no mesmo mes do ano pasado. De modo que, con estas cifras, Galicia continua liderando en termos de viaxeiros o crecemento a nivel estatal, rexistrando a porcentaxe de variación máis elevada. Ademais Galicia lidera o mercado hoteleiro do noroeste peninsular superando o nivel de viaxeiros e pernoctacións das comunidades da España Verde.
O bo comportamento da demanda hoteleira vén como consecuencia dos crecementos rexistrados polos tres grandes segmentos de mercado. Neste sentido os crecementos dos viaxeiros son do 6% para o turismo interno, do 11% para o receptor nacional e do 15% para o internacional.
Neste mes de xullo o turismo estranxeiro acadou máximos históricos en Galicia do peso sobre o conxunto da demanda pois supón o 24% do total, unha porcentaxe importante tratándose dun mes estival de forte presenza do mercado nacional na nosa comunidade.
A ocupación hoteleira sube en case dous puntos porcentuais situándose no 39,07% da media no conxunto da comunidade.
Se se teñen en conta os datos dos primeiros sete meses de 2013 a respecto do mesmo período do 2012, a cifra de viaxeiros aloxados nos establecementos hoteleiros de Galicia ten subido un 3,4% rexistrando preto de 1,8 millóns nos primeiros sete meses do ano. A nivel estatal Galicia rexistra a segunda taxa máis elevada de crecemento da cifra de viaxeiros aloxados por detrás de Navarra.
