O CSHG participa nun programa do ICEX destinado a instrutores de hostalería de Hong Kong, United Kingdom, Mexico e USA
O encontro celébrase ata o próximo sábado 10 de setembro, e visitará as cidades de Madrid, Córdoba, San Sebastián, Navarra, e La Rioja
O obxectivo é trasladar o coñecemento e aplicacións dos produtos gastronómicos españois, a fin de favorecer o coñecemento dos mesmos e exportación a outros países
O Centro Superior de Hostelería de Galicia impartirá un seminario de produto e un obradoiro de cociña de demostración con cinco elaboracións a base de tapas
Grazas a iniciativas como esta o centro galego continúa consolidándose como centro de referencia a nivel internacional na industria turística
Turismo de Galicia, a través do Centro Superior de Hostalería de Galicia (CSHG), eestará presente esta semana no programa ‘Reverse mission by chef instructors’ organizado polo ICEX Spain Trade & Investment.
O encontro celébrase o pasado luns e ata o próximo sábado 10 de setembro, e visitará as cidades de Madrid, Córdoba, San Sebastián, Navarra, e La Rioja.
O programa está dirixido a instrutores de escolas de hostalería de Hong Kong, United Kingdom, Mexico e USA e ten por obxectivo trasladar o coñecemento e aplicacións dos produtos gastronómicos españois, a fin de favorecer o coñecemento dos mesmos e exportación a outros países.
O Centro Superior de Hostelería de Galicia impartirá, coa colaboración de ANFACO, un seminario de produto seguido dun obradoiro de cociña de demostración con cinco elaboracións a base de tapas.
Centro de referencia a nivel internacional
Grazas á participación, colaboración e desenvolvemento de iniciativas como esta o Centro Superior de Hostalería de Galicia continúa consolidándose como unha escola de prestixio internacional.
Na actualidade, o CSHG é considerado un centro de referencia a nivel internacional na industria turística, grazas ao apoio deste proxecto por parte da Xunta de Galicia e aos máis de 2.000 alumnos que se sumaron a esta iniciativa apostando polo Centro e que hoxe traballan en hoteis e restaurantes de todo o mundo.
