O evento tivo lugar no Auditorio do Museo das Peregrinacións e contou cunha axuda do Goberno galego ao abeiro do programa O Teu Xacobeo. Unha convocatoria de axudas creada no ano 2019 co obxectivo de involucrar á poboación galega na celebración do dobre Ano Santo 2021 – 2022 a través de proxectos socioculturais que xiraron en torno á temática do Xacobeo. A Xunta destinou a esta iniciativa máis de 9,5 millóns de euros que beneficiaron a case 700 proxectos.

 

Grazas a este programa, leváronse a cabo diversidade de actuacións para a celebración do Xacobeo en todo o territorio a través de proxectos, que apostan por formatos pequenos, e pola dixitalización, e que abarcaban diferentes ámbitos como o social, deportivo, cultural ou audiovisual.