En concreto, esta actuación inclúese no proxecto de revalorización da Ruta Traslatio, que, neste caso, suporá a demolición de dúas edificacións destinadas a escola de piragüismo e locais de oficina, respectivamente, e da rehabilitación integral da estación marítima do peirao de pasaxeiros do Porto de Vilagarcía de Arousa. Inclúese tamén a urbanización das zonas onde actualmente se sitúan as edificacións a demoler e unha zona aberta lindeira á estación marítima.

 

No marco deste acordo, Turismo de Galicia comprométese a elaborar o proxecto, contratar a súa execución e a dirixir as obras e encargarse da súa xestión ata completar a súa finalización. A Xunta de Galicia financiará o custo desta actuación que ascende a 822.156,46 euros, de maneira que en 2024 achegará 305.023,86 euros e en 2025, 517.132,60 euros.

 

A Autoridade Portuaria de Vilagarcía de Arousa e a súa ría, pola súa banda, porá a disposición, libres de cargas e gravames, de todos os terreos necesarios para a normal execución das obras descritas na cláusula primeira; a facilitar a documentación, informes técnicos, proxectos de obra, ou aquela coa que conten para poder definir as obras e unha vez finalizadas as obras, ao seu mantemento e conservación.

 

A acción enmárcase no Plan Xacobeo Next Generation que inclúe distintas actuacións, entre as que se atopan o proxecto de integración de valorización da Ruta Traslatio con distintas actuacións en clubs náuticos da ruta fluvial.