O director de Turismo de Galicia, Xosé Merelles, fixo entrega dos diplomas do VI Curso de Capacitación Hoteleira para directivos de FEHGRA, unha iniciativa formativa no Centro Superior de Hostalería de Galicia (CSHG) que tivo lugar do 22 ao 30 de abril en Santiago de Compostela. A Xunta reafirma o compromiso coa excelencia na formación e coa cooperación internacional no ámbito turístico.

Ao longo destes días, 18 hostaleiros e directivos da Federación Empresaria Hostaleira Gastronómica da República Arxentina (FEHGRA) formáronse adquirindo novas ferramentas que lles permitan xestionar de maneira máis eficiente os seus negocios, así como deseñar novas estratexias. Xosé Merelles subliñou o seu “enfoque innovador e a súa capacidade para adaptar os contidos ofertados ás necesidades reais da industria hostaleira na actualidade”.