Edificio proxectado en dúas etapas. No 1875, Alejandro Rodríguez Sesmero, asinou unha planta baixa e dous pisos; e en 1908 Jenaro de la Fuente Domínguez asinou a adición ao terceiro piso, trala compra do edificio por Manuel Rodríguez Rodríguez. É unha construción simétrica e sinxela. Destaca a fachada principal cun corpo central enmarcado por pilastras acanaladas con capiteis corintios e compostos. Os vans teñen maior riqueza decorativa nos laterais, onde tamén se colocaron unhas pilastras. Como elementos decorativos ten, ademais, frisos, cornixas e balcóns corridos nos laterais e illados no central.