A cidade de Santiago de Compostela foi escollida por Loterías y Apuestas del Estado para celebrar o seu sorteo do día 20 de xullo, nun acto que tivo lugar na Cidade da Cultura e que rendeu especial homenaxe ao Xacobeo 2021.

O boleto editado e distribuído en toda España permite promover o Ano Santo e o Camiño de Santiago a través dunha imaxe tomada desde o Monte do Gozo coa escultura do monumento ao peregrino. Durante o sorteo estivo presente a directora de Turismo de Galicia, Nava Castro, xunto ao presidente da Sociedade Estatal de Loterías y Apuestas del Estado, Jesús Huerta Almendro.