07 feb 2023
O BOE publica a declaración de Festa de Interese Turístico Internacional á Festa da lamprea de Arbo
Esta celebración era festa de interese turístico nacional desde o ano 2016
O informe remitido por Turismo de Galicia ao Ministerio recollía que o evento cumpre os requisitos preceptivos para a valoración positiva da Secretaría de Estado de Turismo, organismo competente para formalizar esta distinción
A directora xeral de Turismo, Nava Castro, felicitou ao concello de Arbo e amosou a súa satisfacción logo de que o Boletín Oficial do Estado publicase a resolución pola que se concede o título de festa de interese turístico internacional á Festa da lamprea de Arbo.
Segundo a documentación aportada polo concello de Arbo, como entidade promotora da solicitude, Turismo de Galicia remitiu á Secretaria de Estado de Turismo, o expediente administrativo co informe favorable para a declaración desta festa co distintivo de interese internacional.
Este informe recolle que, de acordo coa documentación presentada pola entidade promotora, o evento cumpre os requisitos preceptivos para que sexa valorada pola Secretaría de Estado de Turismo, organismo competente para formalizar esta distinción.
