Estes préstamos están dirixidos a mozos emprendedores en turismo e empresas con proxectos de I+D ou con produtos innovadores. Ambas liñas van encamiñadas a facilitar o acceso a fontes de financiamento que permita aos emprendedores innovadores en turismo poñer en marcha os seus proxectos. Para iso, os préstamos teñen unhas condicións máis favorables ás ofrecidas polo mercado e, no caso dos mozos emprendedores, elimínase un dos principais obstáculos que atopan para acceder ao crédito: a presentación de garantías.

Con esta segunda convocatoria do programa Emprendetur continúase dando cumprimento ao previsto no Plan Nacional de Integral de Turismo (PNIT) 2012-2015, no que se apunta aos mozos emprendedores como o conlectivo que actualmente ten un maior potencial para introducir a innovación na xestión da oferta turística.