Novas turísticas

Atopáronse 1808 novas relacionadas coa súa busca:

23/02/19

Black Eyed Peas, Iggy Pop, David Guetta, Die Antwoord e Rosalía protagonizarán a segunda edición do festival 'O Son do Camiño’

 O Monte do Gozo volverá acoller este evento musical que terá lugar os días 13, 14 e 15 de xuño e que contará cunha trintena de artistas de renome internacional, moitos dos cales actuarán en Galicia por primeira vez

 
A primeira edición, que esgotou abonos e entradas, xerou 12 millóns de euros e creou preto dun millar de postos de traballo directos e indirectos na Comunidade
 
Polos dous escenarios do recinto pasarán, entre outros, Richard Ashcroft, Vetusta Morla, Bastille, Bloc Party, The Hives, Dimitri Vegas & Like Mike, W&W e Beret
 
A música galega terá unha destacada representación con Iván Ferreiro, Igloo, Hard GZ, Familia Caamagno, Marem Ladson, Baiuca, O.R.T.I.G.A., Moderm e Eme DJ
 
A cita contribuirá a dar a coñecer o Xacobeo 2021, promoverá a imaxe de Galicia, reforzará o tecido empresarial e cultural e xerará un notable impacto no turismo

5/02/19

Román Rodríguez subliña que o bo resultado do turismo en 2018 afianza a Galicia como un destino máis competitivo e de calidade

 O conselleiro de Cultura e Turismo presentou o balance do pasado ano no que sobresae o paso adiante dado na mellora do nivel do gasto ou no emprego

Galicia foi a Comunidade cun maior crecemento da estadía media e amosa un comportamento superior ao do conxunto do Estado en diversas variables cualitativas como a ocupación, con máximo histórico, ou a rendibilidade do sector
 
A tempada baixa medra un 8,2%, pois os meses cunha maior evolución global foron os de outono-inverno, avanzando na estratexia de desestacionalización
 
A Comunidade recibiu en conxunto preto de 4,8 millóns de viaxeiros que realizaron 10,2 millóns de pernoitas, o segundo mellor resultado da serie histórica
 
No último lustro, a cifra de turistas incrementouse un 26% e aínda con máis intensidade creceron os visitantes internacionais, cun aumento do 44%
 
Arriba