Así o manifestaron no transcurso dos actos de conmemoración que organizou  a Mancomunidade de municipios do Camiño Francés en Madrid con motivo desta efeméride. O director de Turismo de Galicia salientou “os importantes pasos dados nestas tres décadas grazas ao intenso labor dos concellos, que son a esencia da ruta xacobea”.

 

Puxo de manifesto, ademais, os retos e oportunidades actuais, nun momento no que a peregrinación “está a medrar nos distintos itinerarios”, para o que, como explicou, a Xunta conta cunha folla de ruta, o Plan Director dos Camiños de Santiago, por máis de 100M€ para mantemento, conservación e promoción das rutas xacobeas.