A oferta turística galega preséntase en Italia dentro do evento La Spagna a Torino
Oturismo de Galicia móostrouse aos operadores turísticos máis destacados do Norte de Italia e ao público final.
Paralelamente, a Biblioteca da Universidade de Turismo acolleu unha exposición sobre o Camiño de Santiago do fotógrafo italiano Tommaso Pini.
Galicia recibiu en 2015 un total de 134.262 turistas italianos, o 11,61% dos visitantes estranxeiros.
No que vai de ano, 623 peregrinos de Italia recibiron a compostela, un 3,17% máis que no mesmo período do ano anterior.
Turismo de Galicia presentou a oferta turística da Comunidade galega no Norte de Italia, a través do evento organizado pola Oficina de Turismo de España en Milán, La Spagna a Torino, onde os operadores máis importantes desta rexión tiveron a oportunidade de achegarse aos produtos e servizos turísticos de Galicia, ademais do público xeral.
Turismo de Galicia tivo a oportunidade de reunirse cos responsables das principais axencias de viaxes do Norte de Italia nun obradoiro de traballo organizado no Hotel NH Collection Piazza Carlina.
Por outra parte, o departamento de Turismo da Xunta contou cun espazo para difundir os valores turísticos de Galicia entre os turineses na contorna da Piazza de San Carlo, unha da prazas máis emblemáticas desta cidade italiana, onde ademais de ofrecer información turística, os visitantes tiveron a oportunidade de participar en degustacións de produtos gastronómicos galegos.
Exposición fotográfica do Camiño de Santiago
A promoción de Galicia no Norte de Italia completouse cunha exposición fotográfica sobre o Camiño de Santiago, situada na Biblioteca da Universidade de Turín.
As imaxes foron tomadas por Tommaso Pini, un peregrino italiano que foi fotografando distintos aspectos do Camiño na súa andaina ata Compostela. Así, a mostra consta de 70 fotografías, das que 50 son retratos e 20 paisaxes.
Ademais, todas as fotografías están catalogadas con códigos QR que permiten acceder a un blog no que se detalla a historia de cada imaxe. Logo de Turín, a exposición viaxará a Milán e a Bolonia entre a primavera e o verán.
Demanda turística
Polo que respecta á demanda turística, o pasado ano 2015, Galicia recibiu un total de 134.262 turistas italianos que se aloxaron en hoteis da Comunidade autónoma, o que supuxo o 11,61% dos visitantes estranxeiros, un 18,13% máis que no ano 2014.
En canto ao Camiño de Santiago, o pasado ano, Italia foi o país que máis peregrinos estranxeiros achegou, cun total de 22.148, o que supuxo o 15,81% do total dos que non foron españois.
No que vai de ano, xa realizaron o Camiño de Santiago 623 peregrinos de Italia, o que supón un incremento do 3.17% en relación ao mesmo período do ano anterior.
