Un equipo de dous xornalistas holandeses, que representan á revista Reizen Magazine, percorren Galicia nunha viaxe de familiarización ao obxecto de coñecer a oferta turística galega.

Os xornalistas holandeses vieñen á Comunidade galega para recoller material xornalístico relacionado no Turismo de natureza e o enoturismo, con visitas a distintas cidades e contornos turísticos galegos.

Na súa estadía, que se estenderá ata o día 4 de xullo, os xornalistas holandeses poderán coñecer os cantís da costa norte da Coruña, as Rías Baixas, A Coruña, Ourense e Lugo.

Os visitantes puideron coñecer a cidade de Ferrol, a vila de Cedeira, a Serra da Capelada e o santuario de Santo André de Teixido. Tamén visitarán cabo Ortegal, Bares e O Barqueiro.

Os xornalistas de Reizen Magazine xa visitaron a Costa da Morte para achegarse ata Cabo Vilán, Muxía, Cabo Touriñán e Fisterra.

Este grupo de prensa de Holanda realizou unha visita á fervenza do Ézaro, a praia de Carnota, Muros e Santiago de Compostela.

Onte, xa na provincia de Pontevedra, realizaron unha visita ao Salnés, A Lanzada, Combarro e a cidade de Pontevedra.

Hoxe, día 2 de xullo, traslado a territorio de Ourense, con visita a Ribadavia e a cidade de Ourense.

Mañá, os xornalistas farán un percorrido pola Ribeira Sacra, con visitas a Santo Estevo de Ribas de Sil e outros enclaves salientables desta zona.

Xa, o día 4 de xullo, a viaxe destes dous xornalistas pecharase cunha visita a Piedrafia do Cebreiro (Lugo) e o castro de Viladonga, no norte lugués.