A Xunta de Galicia, a través de Turismo de Galicia, promocionará en Londres, entre os días 4 e 7 de novembro, a oferta turística galega dentro da feira turística World Travel Market (WTM), un dos certames de Turismo máis importantes do mundo.

Turismo de Galicia estará neste certame turístico con dous módulos de promoción desde onde se difundirá a oferta turística de Galicia aos profesionais do turismo británicos.

Turismo afondará na promoción dos valores da marca do turismo galego así como nos seus principais produtos turísticos.

Ademais, potenciaranse as relacións entre os empresarios turísticos de Galicia e os operadores británicos e do resto do mundo presentes neste certame.

O pasado ano 2012, os turistas británicos supuxeron o 6% por cento de todos os turistas estranxeiros que visitaron Galicia, o que supuxo o quinto mercado internacional máis importante para a Comunidade galega.

No tocante á cifra de peregrinos, no que vai de ano, recolleron a Compostela na Oficina de Acollida ao peregrino de Santiago un total de 4.026 peregrinos británicos, o que sitúa ao mercado británico como o sétimo mercado estranxeiro que máis peregrinos proporcionou ao longo deste 2013