Galicia mantén o seu liderado en portos deportivos distinguidos coa Bandeira Q de Calidade Turística
O VII acto de entrega das Bandeiras Q de Calidade Turística a praias e instalacións náutico deportivas tivo lugar hoxe en Madrid e estivo presidido polo ministro de Industria, Enerxía e Turismo, José Manuel Soria, a secretaria de Estado de Turismo, Isabel Borrego, e mais o presidente do Instituto para a Calidade Turística Española, Miguel Mirones.
Galicia conta con 10 portos deportivos distinguidos coa Bandeira Q de Calidade Turística dos 17 que hai en todo o Estado, liderando unha vez máis o número de distintivos deste segmento, co 58,82 % das instalacións do Estado.
Ademais, 8 praias galegas contan neste 2014 co distintivo que certifica a Calidade Turística desta; Galicia é a segunda comunidade con máis distintivos Q de Calidade Turística do Estado e lidera os segmentos de turismo rural, termal, activo, industrial, instalacións náuticas e lecer nocturno.
Un total de 10 instalacións náutico deportivas de Galicia contan coa Bandeira Q de Calidade Turística, que concede o Instituto para a Calidade Turística Española e cuxo acto de entrega tivo lugar hoxe en Madrid e estivo presidido polo ministro de Industria, Enerxía e Turismo, José Manuel Soria e mais pola secretaria de Estado de Turismo, Isabel Borrego.
No acto estivo presente tamén a directora de promoción de Turismo de Galicia, Carmen Pita Urgoiti. Galicia mantén o liderado en todo o Estado do segmento de instalacións náutico deportivas con 10 dos 17 portos que hai en España. Así, obtiveron este distintivo os seguintes clubs: Club Náutico de Boiro, Club Náutico de Portonovo, Club Náutico de Sada, Club Náutico Deportivo de Ribeira, Club Náutico Deportivo Ría de Ares, Club Náutico San Vicente do Mar, Nauta Sanxenxo, Real Club Náutico de Rodeira Cangas, Real Club Náutico de Portosín e Real Club Náutico de Ribadeo. Galicia conta así con dous portos deportivos distinguidos máis que o ano pasado. O 58,82% das instalacións náutico-deportivas con Bandeira Q de Calidade Turística están en Galicia.
De igual modo, as praias da Rapadoira, en Foz, a Retorta, en Boiro, Area, en Viveiro, As Catedrais, en Ribadeo, Carragueiros, en Boiro, Covas, en Viveiro, Mañóns, en Boiro, Os Castros-Illas, en Ribadeo.
Galicia é a segunda comunidade con máis distintivos Q de Calidade Turística do Estado e lidera os segmentos de turismo rural, termal, activo, industrial, instalacións náuticas e lecer nocturno.
Nesta edición, foron certificadas con este distintivo un total de 196 praias e 17 portos deportivos en toda España. En total, entregáronse 22 certificacións novas respecto do ano pasado.
A Bandeira Q de Calidade Turística recoñece a mellora dos servizos que se prestan aos turistas nas distintas praias e instalacións náutico deportivas de toda España. Na última edición de 2013 foron certificadas con este distintivo un total de 174 praias, correspondentes a 93 concellos e administracións públicas localizadas en 10 comunidades autónomas, así como 15 portos deportivos.
