O labor de promoción de Turismo de Galicia centrouse a pasada fin de semana en dous certames de carácter xeralista que se desenvolveron en Pamplona e a cidade danesa de Herning. Ademais, entre os días 4 e 6 de marzo, este departamento da Xunta participará no certame Sevatur, en San Sebastián.

Desde o pasado venres Turismo de Galicia promoveu o noso destino en Navartur, un certame turístico que se desenvolveu ata o pasado domingo na capital navarra dedicado tanto a profesionais como ao público xeral.

Pola afluencia de público, Navartur é a principal cita turística de Navarra, e ademais da área de exposición, conta con distintas actividades divulgativas relacionadas co Turismo.

Nesta ocasión, o departamento de Turismo da Xunta participou cun stand de 36 metros cadrados que difundiu a oferta turística galega e o Camiño de Santiago, un dos produtos máis demandados nesta feira o ser esta unha comunidade de paso da Ruta xacobea.

Promoción en Dinamarca
Por outra parte, Turismo de Galicia estivo presente no evento Ferie for Alle, o certame turístico con maior repercusión de Dinamarca.

Esta é a súa XVIIII edición e estivo dedicada ao sector turístico xeral, con especial incidencia nos congresos.

Turismo de Galicia participou por primeira vez nesta feira ao obxecto de reforzar a promoción da nosa Comunidade autónoma neste mercado.

Participación en Sevatur
Así mesmo, a Comunidade galega volverá estar presente no Salón da Evasión e do Turismo, Sevatur, unha feira que este ano celebra a súa XIV edición, dedicada a profesionais e público final.

Sevatur é, xunto a Expovacaciones de Bilbao, o certame turístico máis importante dos que se celebran anualmente no País Vasco e nesta ocasión, Turismo de Galicia participará tamén cun stand de deseño de 36 metros cadrados