O destino turístico Galicia ppresentouse en dous dos mercados turísticos anuais máis importantes de España. Por una parte, a Xunta promoveu o turismo de congresos na feira IBTM World 2019 e por outra, mostrou desde  a oferta turística galega, centrada nos produtos do interior e o Camiño de Santiago no certame INTUR de Valladolid.

Deste xeito, no ámbito do turismo de negocios, a Consellería de Cultura e Turismo participou nunha nova edición da feira profesional de turismo de congresos, reunións e incentivos IBTM, que se celebrou en Barcelona. Nesta ocasión, acudiu cunha axenda de 35 reunións con operadores, axentes e corporates de todo o mundo.

O departamento de promoción turística da Xunta de Galicia participou neste certame profesional con expositores que compartiron o seu espazo dentro do stand de Turespaña. Estes coexpositores son: Santiago de Compostela Convention Bureau, Turismo da Coruña, Abramar DMC, Galicia Meetings & Incentives e o Clúster Turismo de Galicia.

Turismo de interior

Por outra parte, o departamento de Cultura e Turismo promoverá a oferta turística galega e o Camiño de Santiago na XXIII edición da feira INTUR de Valladolid, un certame profesional centrado na oferta do interior que tamén estivo aberto ao público e constitúe unha das feiras turísticas de maior repercusión en España.

Nesta ocasión, Turismo de Galicia dispuxo dun recinto de deseño de 100 metros cadrados desde o que se difundiu a oferta galega, o Xacobeo 2021, o Camiño de Santiago e as experiencias relacionadas coa natureza. O espazo serviu tamén como punto de encontro para os profesionais do sector que visitaron a feira, xa que dentro da mesma celebrouse Intur Negocios, encontro entre a oferta e a demanda turística.

Nesta edición participaron máis de 300 expositores directos e, segundo datos da organización, a feira foi visita por máis de 60.000 persoas, das que máis de  17.00 eran profesionais.