A directora de Turismo de Galicia, Nava Castro, que visitou xunta ao director xeral das Adegas Condes de Albarei e Pazo Baión, Javier Zas, e o director comercial de de vendas de RENFE, Luis López Diéguez, a  adega do Pazo de Baión destacou o éxito desta nova edición dos Trens tursíticos de Galicia, que ata agora rexistran unha ocupación superior ao 98 %, o que supón o mellor rexistro das oito edicións celebradas ata agora.

Así, a directora de Turismo de Galicia, manifestou tamén a súa satisfación pola consolidación deste programa como un dos produtos turísticos máis importantes do verán en Galicia.

Este ano, os Trens turísticos de Galicia comezaron a funcionar o día 26 de xuño e rematarán o seu funcionamento o día 9 de outubro con once programas distintos, que ofertan 1.532 prazas.

Nesta edición de 2021, mantívose o prezo de 2019,  de xeito que o billete para adultos custa 45 euros e 20 o de nenos, , cun 15% de desconto para grupos de 10 ou máis persoas. 

Por outra parte, o programa oferta achegamentos gratuítos ás estacións de orixe desde desde as principais cidades de Galicia ao comezo da ruta e que ata hoxe  foron utilizados 540 persoas.

Rutas dos trens turísticos

Nesta edición , desde a estación de Santiago de Compostela parten as rutas dos mosteiros, Pazos e xardíns e Ruta do viño das Rías Baixas.

Desde a estación de Pontevedra, este ano parte o Tren da ruta da lamprea, mentes que da de Ourense parten os trens das rutas dos viños da Ribeira Sacra do Sil, Ribeira  Sacra do Miño, Ribeiro-Rías Baixas, Valdeorras-Ribeira Sacra e Monterrei.

Desde A Coruña parte o Tren do Camiño de Santiago e desde a estación de Ferrol, o Tren da ruta dos faros.