Segundo explicou a directora no acto de clausura que tivo lugar no Auditorio municipal de Caldas de Reis, “é fundamental educar aos cativos nos valores do Camiño, porque fan referencia á solidariedade, o compañeirismo e o esforzo, e ademais tamén cremos que deben coñecer que forma parte da identidade de Galicia e que se trata dun elemento cultural e patrimonial de primeira orde do que debemos estar moi orgullosos e que debemos difundir a todo o mundo”.

 

Na súa intervención, Nava Castro salientou a importancia desta actividade, facendo fincapé en que un dos eixes tractores da celebración deste Xacobeo é o achegamento da celebración a cada un das galegos e galegas e, por suposto, a participación dos máis pequenos no coñecemento dunha parte fundamental da nosa cultura. Así, cada centro educativo participante no proxecto elaborou un proxecto coa finalidade de divulgar o Camiño de Santiago, do Xacobeo e os seus valores.

 

O programa Vexo Veo Xacobeo é unha iniciativa que pretende a recuperación do patrimonio inmaterial e que achega o intercambio cultural a través da tradición oral aos cativos de educación infantil e primaria. Nesta actividade participaron 650 nenos e nenas de 8 centros educativos da provincia de Pontevedra e concretamente do colexio de Caldas de Reis, un total de 120 nenos e nenas de educación infantil e primaria.

 

Nos vindeiros días, dende a Xunta poñerase a disposición dos colexios participantes o novo vídeo-xogo do Vexo Veo Xacobeo que transmite, mediante a protagonista Tina Calixitna, os valores e costumes do Camiño de Santiago, ademais da practicas das habilidades educativas.

 

Os nenos e nenas de una maneira totalmente lúdica poderán ir explorando e descubrindo o Camiño de Santiago coa axuda de Tina Calixtina a través do video xogo en 5 capítulos que permiten coñecer a simboloxía do Camiño, os recursos naturais e patrimonias ata chegarmos a Oficina do Peregrino para obter a Compostela e ver a Catedral e o botafumeiro.