Na Conferencia Sectorial de Turismo foron presentados 224 Plans dos cales foron aprobados 28, no que está o proxecto de A Coruña:“A Coruña, Sostible e Dixital”, que ten como obxectivo impulsar a competitividade como destino turístico, fomentar a actividade para a inclusión de veciños e viaxeiros e garantir a sustentabilidade ambiental do concello.

 

Segundo explicou Nava Castro, o Consello da Xunta deu a pasada semana o visto bo ao apoio do Goberno galego para a aprobación deste Plan de Sustentabilidade en Destino nesta convocatoria da 3ª edición ordinaria dos Plans de Sustentabilidade Turística en Destino.

 

O proxecto presentado polo concello da Coruña conta con 3 eixes de actuacións, que xiran en torno á eficiencia enerxética, a transición Dixital, como a posta en marcha dunha oficina turística virtual; e a competitividade, coa posta en marcha por exemplo, do Coruña surf City.

 

OS PSTD están financiados polo Ministerio de Industria, Comercio y Turismo e as comunidades autónomas, e teñen como obxectivos xerais apoiar aos destinos turísticos españois no seu proceso de transformación cara a hubs ou polos de innovación turística capaces de integrar na súa oferta a sostibilidade ambiental, socioeconómica e territorial, e de desenvolver estratexias de resiliencia fronte aos novos retos do ecosistema turístico, desde o cambio climático, ata a sobredemanda turística ou as crises sanitarias e de seguridade.