A directora de Turismo de Galicia, Nava Castro, participou  no acto de presentación dos entroidos de Vilariño de Conso, Viana do Bolo e Manzaneda, que están declarados Festas de Interese Turístico.

Durante a súa intervención, Nava Castro destacou a importancia do entroido na nosa comunidade, tal e como amosa que sete destas celebracións exhiben a cualificación oficial de “Festa de Interese Turístico”, entre os cales se encontran os de Vilariño de Conso, Viana do Bolo e Manzaneda.

Neste senso, Nava Castro destacou os entroidos como unha das maiores riquezas do noso patrimonio etnográfico e cultural, o que ademais nos permite mostrar o mellor da nosa terra e desestacionalizar a chegada de turistas ao longo do ano.