O director de Turismo de Galicia, Xosé Merelles, mantivo un encontro co presidente da Asociación de Turismo e Hostalería Compostelá (ATHC), Ramón García Seara, que acudiu acompañado da secretaria da entidade, María Estrella Ángeles Ferreiro, e da tesoureira, María del Carmen Furelos Gaiteiro.

A Asociación de Turismo e Hostalería Compostelá ten como obxectivo representar e defender os intereses do turismo na capital de Galicia. O director de Turismo de Galicia interesouse polas súas liñas de actuación e amosou o apoio do seu departamento a esta entidade que pretende promocionar o turismo dunha maneira sostible e equilibrada.