O director de Turismo de Galicia, Xosé Merelles, seguiu en directo parte do percorrido da proba ciclista Gran Fondo Ézaro- Fin do Camiño que partiu da contorna da fervenza do Ézaro e discorreu por varias localidades dos concellos de Dumbría, Cee, Vimianzo, Mazaricos, Carnota e Muxía.

En total foron máis de 100 quilómetros dunha proba que incorporou este ano como novidade un treito de camiños de terra de máis de 2,5 km. Xosé Merelles salientou o valor turístico da carreira que conta co apoio da Xunta e que se converteu en “escaparate privilexiado para promocionar a Costa da Morte e, en xeral, a sostibilidade do destino Galicia”.