O director de Turismo de Galicia, Xosé Merelles, mantivo un encontro co presidente da Asociación Galega de Albergues Privados (Agalber), Miguel Ángel Rodríguez, con quen analizou o funcionamento de Bookalbergue, a primeira plataforma de reservas directas deste establecementos no Camiño de Santiago.

Durante o encontro, o director de Turismo de Galicia salientou a aposta realizada pola entidade, que supón un avance na dixitalización e mellora da competitividade desta oferta. Tras unha primeira fase de implantación, a central de reservas sumará albergues de todas as rutas xacobeas completas. Agalber está constituída por uns 150 albergues da rede privada.