Un grupo de 13 persoas que representan aos sete mellores operadores turísticos portugueses realizaron unha visita á Comunidade galega para coñecer de primeira man parte dos recursos e servizos turísticos de Galicia.

Esta viaxe, organizada por Turismo de Galicia en colaboración coa Oficina de Turismo de España en Lisboa, iniciouse en Tui, onde os axentes de Lusonova, Top Altântico, Abreu, Tavares, Halcón, Geostar e Best Travel mantiveron un encontro de traballo con membros da Axencia Turismo de Galicia.

Logo, os visitantes percorreron esta vila histórica e desprazaranse máis tarde á Guarda para achegarse ao monte Santa Tegra e a súa contorna.

Vigo, Pontevedra, Santiago e A Coruña
Os operadores turísticos lusos realizaron tamén unha visita panorámica pola cidade de Vigo e logo trasladáronse a Pontevedra, onde visitaron o seu casco histórico.

Tamén se achegaron a Santiago de Compostela para visitar a cidade patrimonio da humanidade.

Os operadores turísticos portugueses visitaron tamén a cidade da Coruña.