O conselleiro de Cultura e Turismo, Román Rodríguez, participou  en Ourense na XXXII Asemblea Anual da Federación Española de Asociacións de Amigos do Camiño de Santiago, que reúne esta fin de semana a máis de medio centenar de membros dos colectivos xacobeos de todo o país.

O titular de Cultura e Turismo, que estivo acompañado pola comisaria do Xacobeo 21, Cecilia Pereira, e pola delegada territorial da Xunta en Ourense, Marisol Díaz Mouteira, agradeceu na súa intervención o traballo que realizan estas entidades como promotoras dos valores universais da ruta. Nesta mesma liña, Román Rodríguez cualificou o labor que desenvolven estas entidades como “un dos grandes piares do fenómeno xacobeo”.

Román Rodríguez recordou, así mesmo, que os colectivos xacobeos e as administracións públicas comparten obxectivos e proxectos, entre eles a preparación do Xacobeo 21, unha celebración que, como salientou, debe contar coa implicación de todos os axentes.