Conta Xulio Verne que o segredo mellor gardado do Capitán Nemo está en Vigo. Sabías que aquí viña o submarino Nautilus a aprovisionarse de ouro? Na ría de Vigo hai ducias de galeóns afundidos cargados co ouro das Américas. Tesouros que aínda non saíron á luz.
Pero tamén hai tesouros ao alcance de todos. Como pasear polo Casco Vello e tomar unhas ostras na Pedra. Ou un día de praia en Samil. Ou o Parque de Castrelos, co seu pazo e os seus xardíns. Ou unha excursión en barco ao paraíso das illas Cíes. Ou pasear por rúas repletas de elegantes camelias.