A sobriedade construtiva é a nota dominante da arquitectura da igrexa parroquial de Xermeade. Dunha soa nave con arco de medio punto sobre pilastras, de acceso ao presbiterio, compoñen a planta e alzado do templo. A fachada presenta porta con arco de medio punto de grandes doelas, óculo e espadaña rematada por frontón. No interior destaca o retablo maior, con dúas alturas, distribuídas en tres rúas por estípites.