Turismo de Galicia

A Ruta dos Faros de Galicia, a Travesía Náutica Xacobea, A Viaxe ao País da auga e a oferta de Balnearios son as propostas que che trae o Club da auga de Galicia para achegarnos á auga e as súas paisaxes con novos ollos e, sobre todo, gozar dela. Percorrer a costa de faro en faro compartindo momentos cos profesionais do mar; baixar o Miño de Parador en Parador percorrendo grandes chairas e vales  encaixonados; peregrinar a Santiago en barco de vela, como tripulante ou pasaxeiro; relaxarse mentres nos  masaxean chorros de auga nunha piscina.
Somos auga, necesitamos a auga, adoramos a auga… e gozamos coa auga.