Muros de cachotería en seco e planta rectangular co presbiterio máis elevado. Na fachada, porta de arco de medio punto de grandes doelas sobre impostas. Espadana de dous arcos xemelgos con machóns rematados por acroterios caliciformes sobre base; posúen arquitrabes nos arranques das voltas do arco. O frontón prolóngase en ángulo moi agudo e remata en cruz de pedra. No interior cómpre destacar unhas vestimentas litúrxicas do século XVII.