Preto de Toques desviarémonos pola estrada DP-8002, desde onde restan  dous quilómetros ata chegar ao destino, a Capela de San Antoíño ou San Antolín. A fervenza está formada por múltiples pequenos saltos de auga que percorren ao pé da igrexa -e nalgún tempo cruzaba polo medio do antigo mosteiro-. O recurso natural é ben apreciable desde as inmediacións da igrexa pero tamén se  pode acceder á parte posterior extremando precaucións. Tamén se coñece como Río da Toca, inda que o nome oficial é Río Pequeño, sendo afluente do Río Furelos, que desemboca posteriormente no Río Ulla.