Turismo de Galicia

PROXECTO EDIT

O obxectivo do proxecto é mellorar a xestión dos recursos turísticos e a información sobre a actividade turística a través das TIC, transformando o modelo turístico en base á innovación, tecnoloxía, sustentabilidade e accesibilidade para incrementar a competitividade e rendibilidade do destino. EDIT pretende aproveitar o potencial da tecnoloxía para profundar no coñecemento da demanda en base a unha maior interacción co visitante, contribuíndo desta maneira para mellorar o proceso de toma de decisións de xestores de destino e empresas turísticas a ambos os dous lados da fronteira.
O uso das TIC permitirá así mesmo dotar ás estratexias dun compoñente de sustentabilidade que salientará a necesidade de preservar o patrimonio.
No proxecto participan os seguintes socios:

•  Axencia de Turismo de Galicia
•  Axencia para a Modernización Tecnolóxica de Galicia (AMTEGA)
•  Turismo do Porto e Norte de Portugal, E. R.
•  Associacao CCG/ ZGDV - Centro de Computaçao Gráfica
•  Universidade do Minho
•  Instituto Politécnico de Viana do Castelo ( IPVC)

Os resultados que se pretenden co proxecto son:

• Creación dun sistema de información de referencia para xestores públicos e privados do sector turístico, universidades e outros grupos de interese, que ofreza unha óptima radiografía da oferta e demanda e afine o posicionamento da Eurorrexión GNP respecto a outros destinos, plasmando esta información nun cadro de mando integral.
• Monitoraxe da sustentabilidade en recursos do patrimonio natural e cultural da Eurorrexión.
• Proliferación do uso das TIC para a articulación dunha oferta de servizos turísticos innovadores, así como para implementar estratexias de promoción conxuntas do destino Eurorrexión.
• Preténdese que a globalidade do sector turístico salga fortalecida como elemento dinamizador da economía.