Turismo de Galicia

FACENDO CAMINHO

O obxectivo principal do proxecto é consolidar os roteiros do Camiño de Santiago na Eurorrexión Galicia - Norte de Portugal (ERGNP) e impulsar o seu aproveitamento sustentable como recurso patrimonial cultural e natural transfronteirizo capaz de xerar actividades turísticas e económicas que contribúan ao desenvolvemento socioeconómico deste territorio. Contribuirá, ademais, a protexer e valorizar o patrimonio cultural e natural como soporte de base económica da Eurorrexión atendendo a un recurso concreto, o Camiño de Santiago, que presenta un gran potencial para o desenvolvemento socioeconómico deste territorio e cuxo carácter transnacional convérteo en aceno de identidade e obriga á cooperación para a súa ordenación, xestión, protección, conservación, valorización e promoción.

Os resultados que se pretenden co proxecto son:

•  Mellora das condicións para a xestión conxunta e a afluencia turística do Camiño de Santiago na ERGNP.
•  Incremento e mellora do coñecemento sobre o Camiño de Santiago na ERGNP e o seu potencial de aproveitamento económico.
•  Incremento da implicación da poboación local na conservación e protección do Camiño de Santiago.
•  Reforzo da identidade eurorrexional.

Os principais beneficiarios destes resultados serán os organismos implicados na xestión dos Camiños de Santiago en Galicia e Portugal e a propia poboación local dos territorios por eles atravesados, por canto a ordenación da actividade redundará na mellora da súa calidade de vida, e o fomento no desenvolvemento socioeconómico do seu territorio.