Turismo de Galicia

Eurorrexión 2020

O proxecto Eurorrexión 2020 nace cos seguintes obxectivos:

• Identificar os sectores económicos estratéxicos e implicalos nunha estratexia de crecemento integrada.
• Favorecer a cooperación entre as universidades, os centros creadores de opinión, o sector público e a poboación cara a o obxectivo común de crecemento.
• Establecer os mecanismos de coordinación entre entidades locais.
• Fomentar as iniciativas culturais e medioambientais transfronteirizas.
• Fomentar unha promoción conxunta como destino turístico: aumentar o atractivo turístico transfronteirizo e o fluxo do turismo interno, ademáis de mellorar a estruturación da oferta turística eurorrexional.

Estes obxectivos pretenden acadarse mediante as seguintes actividades:

• Actividades de competitividade sostible: Estudos para o fomento da competitividade da Eurorrexión Galicia-Norte de Portugal en materia de desenvolvemento sostible (eficiencia enerxética, xestión de lixos urbanos, xestión da auga, identificación e intercambio de boas prácticas e xeración de sinerxias entre municipios) así como cursos de formación para a sensibilización social en materia de competitividade sostible.
• Actividades de competitividade innovadora: Estudos para o fomento da competitividade da Eurorrexión Galicia-Norte de Portugal en materia de desenvolvemento innovador, apertura dunha liña de asesoramento, xornadas de formación para administración locais e foros de intercambio e reflexión con todos os interesados a escala local.
• Actividades de competitividade inclusiva no ámbito do deporte, a cultura e a educación mediante a celebración de torneos deportivos, a posta en marcha da Capital Cultural e Bienal de Pintura, Mostra Musical e seminarios de intercambio de experiencias.
• Actividades de especialización intelixente: Procesos de identificación e desenvolvemento de estratexias territoriais para o desenvolvemento turístico conxunto e complementario, posta en marcha do Foro Turístico da Eurorrexion e da Feira Expocidades, accións de difusión a través dunha guía turística que desenvolva rutas turísticas temáticas existentes así como un programa de TV sobre turismo con difusión tanto en Galicia como no Norte de Portugal